दिल्ली भीकराक्रमणम्
'इमामः' अन्यः च निगृहीतौ।
नवदिल्ली> दिल्ली रक्तदुर्ग भीकराक्रमणप्रकरणे आत्मघातिः उमर नबी इत्येनेन सम्बन्धः सन्दिह्यमानः आराधनालयपुरोहितः - इमामः -इतरः च एन् ऐ ए संस्थया निगृहीतौ। उत्तराखण्डस्थे हल्द्वानी इत्यस्मात् बिलाली आराधनालयस्य पुरोहितः मुहम्मद आसिफः, वैद्युतिकः - electrician - नासर् कमाल नामकश्च निगृहीतौ। एतौ आत्मघातिना उमर नबिना सह दूरवाणीसम्बन्धं कृतवन्तौ इति सूच्यते।