कर्मयोजनायाः नाम परिष्क्रियते। पूज्य बापु रोज़गार योजना इति।
नवदिल्ली> महात्मा गान्धी राष्ट्रियकर्मयोजनायाः नामपरिष्करण-विधेयकस्य अङ्गीकारः केन्द्रमन्त्रिसभया प्रदत्तः। पूज्य बापु ग्रामीण-रोज़गारयोजना इत्यस्ति नवीननाम। १०० कर्मदिनानि १२५ इति वर्धिष्यन्ते। २००५ तमे यू पि ए सर्वकारेण एव इयं योजना समारब्धा। पूर्वं विद्यमान आङ्गलेयनाम हिन्दी भाषायां परिर्वत्य भवति नूतनं नामकरणम्। कर्मदिनानि अधिकतया आवश्यकानि इति कर्मकराणाम् अर्थनाम् अङ्गीकृत्य आसीत् कर्मदिनानां वर्धापनम् l