न्याया. सौमन सेनः केरलस्य उच्चन्यायालयाधिपः।
नवदिल्ली> केरलस्य उच्चन्यायालयस्य आगामि मुख्यन्यायाधिपरूपेण सर्वोच्चन्यायालयसमित्या न्याया. सौमन सेनः निर्दिष्टः। इदानीं मेघालयस्य मुख्यन्यायाधिपः भवति सौमन सेनः।
जनुवरिमासे नवमदिनाङ्के वर्तमानीनः मुख्यन्यायाधिपः नितिन जंदारः सेवानिवृत्तः भविष्यति। तत्स्थाने अस्ति न्यायाधीशस्य सौमनस्य नियुक्तिः। कोल्कोत्ताप्रदेशीयो भवत्ययम्। केरलोच्चन्यायालयस्य न्यायाधिपं ए मुहम्मद मुष्ताखं सिक्किमराज्यस्य मुख्यन्यायाधीशं कर्तुमपि निर्देशः कृतः।