महिला टि-२०
प्रथमप्रतिद्वन्द्वे भारतस्य विजयः। 
जमीमा रोड्रिगसः।
श्रीलङ्कां ८ द्वारकैः पराजयत। जमीमा रोड्रिगसे अर्धशतकम्।
विशाखपत्तनं> श्रीलङ्कां विरुध्य महिलानां टि-२० क्रिकट् स्पर्धापरम्परायाः प्रथमे प्रतिद्वन्द्वे भारतस्य अनायासविजयः। अष्ट द्वारकाणां विजयं सम्प्राप्य १ - ० इति रीत्या भारतम् अग्रे तिष्ठति।
प्रथमं कन्दुकताडनं कृतवत्यः श्रीलङ्कीयमहिलाः २० क्षेपणचक्रेषु ६ क्रीडिकान् परित्यज्य १२१ इति न्यूनसंख्याकं धावनाङ्कान् सम्पादितवत्यः। प्रत्युत्तरताडने भारतीयमहिलाः १४. ४ क्षेपणचक्रेषु द्वे क्रीडिके त्यक्त्वा १२२ धावनाङ्कान् सम्पाद्य लक्ष्यं प्राप्तवत्यः। जमीमा रोड्रिगसः अर्धशतकं प्राप्तवती - ४४ कन्दुकैः ६९ धावनाङ्काः।