केरले तीव्र मतदानावलीपरिष्करणं [SIR] प्रथमसोपानं समाप्तम्।
अनन्तपुरी> केरले मतदायकावल्याः समग्रपरिष्करणस्य [SIR] प्रथमचरणं समाप्तम्। संक्षिप्तावलिः, परिष्करणवेलायां बहिर्गतानामावलिः च डिसम्बर् २३ तमे दिनाङ्के प्रकाशयिष्यति। सर्वेषां राजनैतिकदलानां कृते आवल्याः प्रतिकृतिः परिशोधनार्थं लभते, मतदानिनामपि ओण् लैन् द्वारा आवलीपरिशोधनाय सुविधा लभते चेति मुख्यनिर्वाचनाधिकारी रत्तन् यू केल्करः प्रस्तुतवान्।
आवल्याः उपरि आक्षेपः अस्ति चेत् जनुवरी २२ पर्यन्तं आक्षेपान् समर्पितुं शक्यते। २४. ८१ लक्षं जनाः आवल्याः बहिर्नीताः इति सूच्यते। तेषु ६. ४९ लक्षं संख्याकाः मृताः भवन्ति। ८. २१ लक्षं वासपरिवर्तनं कृताः। ६. ८९ लक्षं जनाः नाधिगताः। अन्तिमा आवलिः फेब्रुवरि २१ तमे दिनाङ्के प्रकाशयिष्यते।