डिट् वा चक्रवातः - श्रीलङ्कायै भारतस्य साहाय्यम्।
कोच्ची> डिट् वा चक्रवातस्य दुष्प्रभावेण महान्तं क्लेशमनुभूयमानाय श्रीलङ्कराष्ट्राय भारतस्य उदारसाहाय्यं विधत्तम्। 'ओपरेषन् सागरबन्धुः' इति कृतनामधेयस्य साहाय्यस्य अंशतया ५३ टण् मितानि अवश्यवस्तूनि लङ्कामुपनीतानि। श्रीलङ्कायां लग्नाः २००० भारतीयाः स्वराष्ट्रमानीताः।
भारतनौसेनायाः नेतृत्वे दुरिताश्वासप्रवर्तनानि अनुवर्तन्ते। ऐ एन् एस् विक्रान्तः, ऐ एन् एस् उदयगिरिः इत्येतयोः महानौकयोः नेतृत्वे रक्षाप्रवर्तनानि आरब्धानि। महानौकाभ्यां उदग्रयानानि विन्यस्य रक्षाप्रवर्तनानि ऊर्जस्वलेन प्रचलन्ति।