खालिदा सिया दिवंगता।
.webp)
धाक्का> बङ्गलादेशस्य प्रथमा महिलाप्रधानमन्त्री खालिदा सिया [८०] दिवंगता। श्वासकोशे अणुबाधया मासैकाधिककालेन धाक्कायामातुरालये परिचर्यायामासीत्।
कलुषितस्य सैन्यप्रशासनकालस्यानन्तरं राष्ट्रे लोकतन्त्रपुनःस्थापनाय मुख्यभागम् ऊढवती खालिदा सिया त्रिवारं बङ्गलादेशस्य प्रधानमन्त्रिपदमारुरोढ। बी एन् पी दलस्य अध्यक्षा आसीत् खालिदा।
खालिदायाः पतिः तथा बङ्गलादेशस्य भूतपूर्वराष्ट्रपतिः सियावुर् रह्मान् इत्यस्य शवकुटीरस्य समीपे बुधवासरे तस्याः अन्त्यशुश्रूषा सम्पद्यते। कार्यक्रमे भारतस्य विदेशकार्यमन्त्री एस् जयशङ्करः भागं करिष्यति। प्रधानमन्त्रिणं नरेन्द्रमोदिनमभिव्याप्य विविधाः लोकनेतारः अनुशोचितवन्तः।