सप्त जनपदेषु अद्य जनविधिः।
कोच्ची> केरले त्रयस्तरपञ्चायत्तनिर्वाचनस्य अंशतया तिरुवनंतपुरंतः एरणाकुलपर्यन्तं सप्त जनपदेषु मङ्गलवासरे निर्वाचनं सम्पद्यते। चरणद्वयेन एव प्रादेशिकस्वयंप्रशासनसभानिर्वाचनं भविष्यति। द्वतीयचरणत्वेन इतरेषु सप्त जनपदेषु गुरुवासरे निर्वाचनं भविष्यति। ग्रामप्रदेशेषु त्रीणि मतदानानि करणीयानि। नगरप्रदेशेषु एकं मतदानमेव कर्तव्यम्। प्रभाते सप्तवादनतः सायं षट्वादनपर्यन्तं भवति मतदानप्रक्रिया।