नरेन्द्रमोदिने ओमानस्य परमोन्नतनागरिकबहुमतिः। .jpg)
मोदिने ओर्डर् ओफ् ओमान् पुरस्कारसमर्पणम्।
मस्कट्> ओमानराष्ट्रस्य परमोन्नतनागरिकबहुमतिः 'ओर्डर् ओफ् ओमान्' भारतस्य प्रधानमन्त्रिणे नरेन्द्रमोदिने समर्पिता। ओमानस्य शासनाधिकारी सुल्तान् हैतं बिन् तारिखः मस्कटे अल् बराका राजभवने मोदिने एनं पुरस्कारं दत्तवान्। भारत-ओमानयोः सौहार्दं प्रबलीकर्तुं मोदिना कृतं योगदानं पुरस्कृत्य आसीदियं बहुमतिः।
मोदिने कस्माच्चन विदेशराष्ट्रात् लभ्यमानः २८ तमः पुरस्कारो भवत्येषः। गतदिने 'ग्रेट् ओणर् निषान् ओफ् एत्योपिया' नामकः एत्योपियाराष्ट्रस्य पुरस्कारः अपि मोदिवर्याय लब्धः।