विश्वचषकपादकन्दुकम्।
दक्षिणकोरियायाः विजयेन प्रारम्भः।
कानडा - बोस्निया स्पर्धायां समस्थितिः।
कानडा-बोस्निया स्पर्थायाः।
ग्वाडलहारा (मेक्सिको)> शुक्रवासरे प्रभाते एष्या भूखण्डात् विजयप्रतीक्षायाः रथमारुह्य अमेरिकाभूखण्डं प्राप्तं दक्षिणकोरियादलं यूरोपीयप्रबलेषु अन्यतमं चेक् रिपब्लिक् राष्ट्रदलं विजित्य प्रारम्भस्पर्धा अविस्मरणीयमकरोत्। एकं विरुध्य लक्ष्यकन्दुकद्वयेन आसीत् कोरियाविजयः।
कोरियादलेन क्रीडायाः आरम्भादेव उज्वलक्रीडा प्रदर्शिता अपि ५९ तमे निमिषे चेक् दलस्य नायकः नाम्ना लाडिस्लाव् क्रेजिसी प्रथमतया लक्ष्यकन्दुकं सम्प्राप्तवान्। ततः विजिगीषया संग्रामं कृतवत् कोरियादलस्य ह्वाङ् इन् बीं नामकः (६७), स्थानान्तरितः क्रीडकः ओह् ह्यूयोण् ग्यू नामकश्च (८०) स्वराष्ट्रं विजयतीरं नीतवन्तौ।
टोरन्टो> रात्रौ कानडायां सम्पन्ने प्रतिद्वन्द्वे आतिथेयराष्ट्रस्य कानडादलं पराजयः इत्यपमानात् रक्षां प्राप्तम्। प्रतिद्वन्द्विनः बोस्नियायाः जोवो लूकिच् नामकः २१ तमे निमिषे प्रथमं लक्ष्यकन्दुकं सम्प्राप्तवान्। उत्साहेन क्रीडितस्य कानडादलस्य कैन् लारिन् नामकः ७६ तमे निमिषे लक्ष्यं सम्पाद्य समस्थितिं प्रापितवान्। तृतीयवारं विश्वचषकं क्रीडन्ती कानडा प्रथमतया एव अङ्कावलीपत्रे स्थानं लभते।
Latest newsLatest news