फिफा विश्वचषकः।
खत्तरस्य समस्थितिः। 
खत्तरस्य लक्ष्यकन्दुकप्राप्तौ दलस्य आह्वादः।
जर्मनी-कुरसोवा प्रतिद्वन्द्वे लक्ष्यकन्दुकवर्षः - ७-१।
सान्टा क्लारा> प्रबलदलं स्विट्सर्लान्टं समस्थितिं गृहीत्वा [१-१] खत्तरदलं पादकन्दुकक्षेत्रे साभिमानम् अङ्कितम्। खत्तरेण आतिथ्यम् ऊढवति गते विश्वचषके अङ्करहितं सत् प्राथमिकचक्रादेव बहिर्गतमासीत्। इदानीम् अमूल्यमेकमङ्कं स्वायत्तीकृतवत्।
हूस्टणः > गतरात्रे सम्पन्नायां जर्मनी-कुरसोवा स्पर्धायां लक्ष्यकन्दुकवर्षः अभवत्। एकं विरुध्य सप्त लक्ष्यकन्दुकानां सम्पादनेन जर्मनी विजयीभूता।
प्रथमे अर्धखण्डे प्रबलं जर्मनीदलं प्रति लघुतमराष्ट्रेषु अन्यतमा कुरसोवा १-१ इति समस्थितिम् अपालयत्। किन्तु द्वितीयार्धखण्डे जर्मनेः आधिपत्यं दृष्टम्। एकपक्षीयानि ६ लक्ष्यकन्दुकानि जातानि। विश्वचषकप्राप्तौ प्रतीक्षायां विद्यमानं जर्मनीदलं ७-१ क्रमेण विजितम्।