कराचीमध्ये भीकराक्रमणम्।
४ सैनिकाः हताः; ६ भीकराः मृताः।
कराची> पाकिस्थाने सीमारक्षणसेनायाः कराचीशिबिरं प्रति विधत्ते भीकराक्रमणे चतुर्णां सैनिकानां प्राणहानिः। षट् भीकराः सैनिकैः व्यापादिताः, एकः निगृहीतश्च।
शनिवासरे रात्रौ आसीत् इयं घटना। स्फोटकवस्तूपेतेन वाहनेन प्राप्ताः भीकराः मुख्यकवाटं भञ्जयित्वा अन्तः प्रविष्टाः। टि टि पी इति भीकरसंघटनस्य उपविभागः नाम्ना 'जमा अत् उल् अह्रार्' घटनायाः उत्तरदायित्वं स्वीचकार।