असमे वायुसेनाविमानं भग्नम्।
पञ्च सैनिकाः मृत्युमुपगताः।
असमे भग्नम् ए एन्-३२ व्योमसेनाविमानम्।
गुवाहती> असमे जोर्हट् वायुसेनानिलये अवतरणवेलायां सेनायाः ए एन्-३२ इति यात्राविमानं भग्नीभूय पञ्च सैनिकाः मृताः। सहवैमानिकः अद्भुतकरेण रक्षां प्राप्तः।
शनिवासरे प्रभाते उपदशवादने आसीदियं दुर्घटना। साधारणया क्रियमाणस्य परीक्षणडयनस्य अनन्तरम् अवतरणसमये मार्गात् विभ्रंश्य पार्श्वं घट्टयित्वा दह्यमानमासीत्। दुष्टं पर्यावरणं तीव्रा वृष्टिश्च दुर्घटनायै कारणमभवदिति प्राथमिकनिगमनम्। उच्चस्तरीयान्वेषणाय वायुसेनया आदिष्टम्।
ए एन्-३२ - वायुसेनायाः 'रणतुरगः' इति कीर्त्यमानं युगलयन्त्रोपेतं सैनिकयात्राविमानमस्ति एतत्। प्रतिकूलावस्थाः अतिजीवितुं शक्तिमदस्ति। उपशतं विमानानि इदानीं सेनायां विद्यन्ते। व्योम-स्थलसैनिकानां यात्रायै पण्यवस्तुनयनाय च इदं विमानमुपयुज्यते।