केरलम्।
'ट्रोलिंग्' निरोधः नवमदिनाङ्कतः।
अनन्तपुरी> केरलस्य तीरसमुद्रेषु जूण् ९ दिनाङ्कतः जूलाय् ३१ दिनाङ्कपर्यन्तं trolling नामकस्य यन्त्रवत्कृतनौकामुपयुज्य क्रियमाणस्य मत्स्यबन्धनस्य निरोधः विहितः। एषः कालखण्डः मत्स्यानां प्रमुखः प्रजननकालः इत्यतः मत्स्यसम्पदं संरक्षितुमुद्दिश्य एव ५२ दिनानां ट्रोलिंग् निरोधः विहितः।
तीरसमुद्रे परम्परागतधीवराणाम् उपरितलमत्स्यबन्धनाय निरोधो नास्ति। यन्त्रवत्कृतमत्स्यबन्धनयानानां कर्मकराः ये वृत्तिनष्टेन क्लेशमनुभूयमानाः, तेभ्यः अनुबन्धवृत्तिकरेभ्यश्च अस्मिन् कालखण्डे निश्शुल्कम् अन्नपरिमाणं [ration] अनुमोदयिष्यते।