ओमानतीरे महानौका अग्निबाधिता।
नवदिल्ली> ओमानतीरे २४ भारतीयनाविकैः सह सञ्चरन्त्यां तैलमहानौकायाम् अग्निबाधा जाता। सोमवासरे पश्चिमेष्यायाम् इरानः इस्रयेलश्च परस्परम् आक्रमणं कृतवन्तौ आस्ताम्। किन्तु अग्निबाधायाः कारणं न स्पष्टीकृतम्।
सर्वे नाविकाः सुरक्षिताः वर्तन्ते इति केन्द्र महानौकाशयमन्त्रालयस्य निदेशकः ओपेष् कुमारशर्मा अवोचत्। होर्मुस् समुद्रसङ्कोचात् बहिः स्थीयमाना इयं महानौका शून्या अस्तीति तेन निगदितम्। मडगास्करदेशस्य ध्वजं वहन्ती एम् टि मारिवेक्स् नामिका महानौका आसीत् अग्निबाधिता।