१३१ पद्मपुरस्काराः समर्पिताः।
द्रौपदी मुर्मू वर्यायाः महानटः मम्मूट्टिः पद्मपुरस्कारं स्वीकरोति।
नवदिल्ली> अस्य वर्षस्य पद्मपुरस्कारान् चरणद्वयेन राष्ट्रपतिः द्रौपदी मुर्मू समार्पयत्। पुरस्कारसमर्पणस्य द्वितीयचरणं ह्यः नवदिल्ल्यां सम्पन्नम्। प्रथमचरणं मेय् २५ तमे दिनाङ्के आसीत्।
टेन्निस् क्रीडाकुशलः विजय अमृतराजः, गायिका अल्का याग्निक्, अमेरिकायां भारतीयवैद्यकः दत्तात्रेय नूरी, केरलस्य चलच्चित्राभिनेता मम्मूट्टिः, वेल्लाप्पल्लि नटेशः इत्यादयः पद्मभूषणपुरस्कारान् स्वीचक्रुः। निवृत्तः न्यायाधिपः के टि तोमसः, पि नारायणः इत्यादयः पद्मविभूषणपुरस्कारं स्वीकृतवन्तः। क्रिकट् क्रीडकः रोहित शर्मा, अभिनेता माधवः, नर्तकी कलामण्डलं विमला मेनोन् इत्यादयः पद्मश्रीपुरस्कारान् च मुर्मू वर्यायाः स्वीचक्रुः।