लख्नावि महान् अग्निप्रकाण्डः।
१५ जनाः दग्धाः।
लख्नौः> उत्तरप्रदेशस्य राजधानीनगरस्थे अलिगञ्जे 'अनिमेषन्' परिशीलनकेन्द्रे दुरापन्ने महति अग्निप्रकाण्डे १५ जनाः दारुणेन मृताः। परिशीलनकेन्द्रे वर्गे भागं कृतवन्तः छात्राः एव मृतेषु भूरिशः। सप्त जनाः आहताः।
सोमवासरे अपराह्णे आसीत् स्तरत्रयोपेते भवनसमुच्चये अग्निबाधा। उच्चस्तरे बाधिता अग्निः नीचस्तरं व्याप्तः। भवनात् उत्प्लुत्य एव बहवः आहताः।