दह्यते महानसः।
पाकवातस्य मूल्यं पुनरपि वर्धापितम्।
नवदिल्ली> मूल्यवर्धने क्लिश्यमानानां जनानामुपरि अशनिपातमिव गार्हिकपाकेन्धनस्य मूल्यमपि वर्धापितम्। मासत्रयाभ्यन्तरे द्वीतीयवारमेव मूल्यवर्धनम्। दिल्ल्यां १४.२ किलोमितस्य दण्डगोलस्य २९ रूप्यकाणि वर्धयित्वा ९४२ रूप्यकाणि अभवन्।
भोजनालयादीनां वाणिज्यगोलकानां मूल्यं पूर्वमपि वर्धयित्वा जनाः कलेशमनुभवन्ति।
किन्तु अन्ताराष्ट्रविपण्यां जातम् इन्धनमूल्यवर्धनमेव अधुनातनमूल्यवर्धनस्य कारणमिति केन्द्रसर्वकारेण उच्यते। पाकवात-डीसल्-पेट्रोलानां मूल्यवर्धनानन्तरमपि सामाजिकक्षेत्रीयतैलसंस्थाः नष्टे एव प्रचलन्तीति केन्द्रप्रशासनस्य वादः।