महिला टि-२० विश्वचषकः।
पाकिस्थानं विरुध्य भारतस्य विजयः। 
भारत-पाकिस्थानयोः स्पर्थामध्ये दीप्ती शर्मा।
बर्मिङामः> वनिता टि-२० विश्वचषके किरीटाभिलाषेन इङ्गलण्टं प्राप्तस्य भारतस्य प्रथमस्पर्धायाम् अभिमानोज्वलविजयः। पाकिस्थानं ६४ धावनाङ्कैः पराजापयत।
प्राप्ताङ्कसूचिका - भारतं २० क्षेपणचक्रेषु १७०/६। पाकिस्थानं १७ क्षेपणचक्रेषु १०६ धावनाङ्कैः सर्वे बहिर्नीताः।
भारतस्य 'स्पिन्' क्रीडिका दीप्ती शर्मा इत्यस्याः कन्दुकक्षेपणवैभवमेव भारतस्य विजयम् अनायासमकरोत्। चतुर्षु क्षेपणचक्रेषु १० धावनाङ्कान् दत्वा पञ्च द्वारकान् सा पातयामास। महिला टि-२० मध्ये कस्याश्चन भारतीयायाः श्रेष्ठतरं प्रकटनमस्ति एतत्। कन्दुकताडने स्मृति मन्थाना ४४ कन्दुकेषु ६८ धावनाङ्कान् सम्पादितवती।