पण्यमहानौकां प्रति यू एस् आक्रमणम्।
त्रयः भारतीयनाविकाः मृताः।
नवदिल्ली> ओमानसमुद्रतीरे यू एस् नौसेनायाः अग्निशस्त्राक्रमणेन अग्निबाधितायाः पण्यमहानौकायाः तिरोभूताः त्रयः भारतीयनाविकाः मृत्युमुपगताः इति केन्द्रसर्वकारेण दृढीकृतम्। गुरुवासरे केन्द्र नौकाश्रयमन्त्री सर्वानन्द सोनोवालः वृत्तान्तोSयं स्थिरीकृतवान्।
हिमाचल प्रदेशनिवासी आदित्य शर्मा (२८), आन्ध्रप्रदेशीयः सुरेश पट्नालः (४४) इत्येतौ मृतौ। तृतीयस्य नामादिकं न बहिरागतम्। बुधवासरे पलावु देशस्य ध्वजोपेता 'सेटेबल्लो' नामिका महानौका आसीत् आक्रमणाधीना।