फिफा विश्वचषकः।
स्कोट्लान्टं प्रति ब्रसीलस्य उज्वलविजयः
नैमरः प्रत्यागतः।
नैमर्।
मयामी> सि गणस्य [C group] तृतीये अन्तिमे च प्रतिद्वन्द्वे स्कोट्लान्टं विरुद्ध्य ब्रसीलस्य उज्वलविजयः - (३-०)। विनीष्यस् जूनियर् लक्ष्यकन्दुकद्वयं सम्पादितवान्। मात्यू कुन्या तृतीयं लक्ष्यं प्राप्य दलस्य अजय्यतां स्पष्टीचकार। ब्रसीलदलः गणवीरतया अपसारणचक्रं [knock out] प्राविशत्।
आराधकाणाम् आकाङ्क्षाविरामं विधाय ब्रसीलस्य विश्वोत्तरक्रीडकः नैमरः अस्मिन् प्रतिद्वन्द्वे क्रीडां चकार। ब्रसील-स्कोट्लान्टयोः स्पर्धा ७६ तमे निमिषे आगते आसीत् मात्यू कुन्यस्य स्थाने नैमरस्य पुनःप्रवेशः। ९८१ दिनानां निवृत्तेः अनन्तरमेव नैमरः ब्रसीलीयगणवेषं धरति। २०२३ ओक्टोबर् १८ तमे दिनाङ्के विश्वचषकस्य योग्यताचक्रे उरुग्वेदलं विरुध्य क्रीडायां प्रतियोगिनां कुक्रीडया व्रणितः सन् निवृत्तः आसीत्।