पश्चिमेष्यायां शीघ्रमेव शान्तिरिति ट्रम्पः!
वाषिङ्टणः> मासत्रयाधिकं यावत् इरानं विरुध्य क्रियमाणं युद्धं समापितं, शान्त्युपलब्ध्यर्थम् उभयसम्मतिपत्रं रविवासरे हस्ताक्षरीकरिष्यतीति यू एस् राष्ट्रपतिः डोनाल्ड ट्रम्पः प्रास्तौत्। युद्धसमाप्तिसन्ध्यर्थं इतः पूर्वम् एतावत् सामीप्यं नाभवदिति इरानस्य विदेशकार्यमन्त्री अब्बास् अराग्ची इत्यस्य प्रस्तावोSपि पश्चिमेष्यायां शान्तिप्रतीक्षां वर्धापयति।
इरानस्य परमोच्चनेता अयत्तोल्ला मोजताबा खमनेयी इत्यनेन अङ्गीकृते सम्मतपत्रे अमेरिकायै उपराष्ट्रपतिः जे डि वान्सः हस्ताक्षरं करिष्यतीति ट्रम्पेण प्रस्तुतम्। रविवासरे जनीवानगरे [स्विट्सर्लान्ट्] भवेत् हस्ताक्षरीकरणकार्यक्रमः इति सूच्यते।