वेनस्वेला भूकम्पः
मरणानि १५००; ६८ लक्षं जनाः कार्यसङ्कटे।
बृहती मानवसन्दिग्धता इति यू एन्।
 |
| भूकम्पे विशीर्णेषु भवनसमुच्चयेषु एकम्। |
ला ग्वयिरा> वेनस्वेलाराष्ट्रे दुरापन्नेन युगलभूकम्पेन तत्रत्याः ६८ लक्षं जनाः क्लेशबाधिताः जाताः इति संयुक्तराष्ट्रसभायाः निरीक्षणम्। राजधान्यां कारकसे २० लक्षं जनाः भूकम्पबाधिताः वर्तन्ते।
विद्यालय-आतुरालय-कार्यालयसंस्थाः अभिव्याप्य बहूनि भवनानि वासगृहाणि च भग्नानि। एतत्तु बृहत्याः मानवसन्दिग्धतायाः कारणमभवत्। बुधवासरे दुरापन्ने भूकम्पे सार्धसहस्रं जनाः मृताः इति आधिकारिकं विवरणम्। ३३६० जनाः व्रणिताः। ५०,००० जनाः तिरोभूताः वर्तन्ते। रक्षाप्रवर्तनानि अभङ्गुरेण प्रचलन्ति इत्यतः मृत्युसंख्या वर्धिष्येत। बहवः विदेशीयाः अपि भूकम्पे मृताः तिरोभूताः वा वर्तन्ते इति दृढीकृतमस्ति।