भारतस्य तिस्रः तैलेन्धनमहानौकाः होर्मुस् अतिक्रान्ताः।
नवदिल्ली> कोटिशः टण् मितं असंस्कृततैलं वहन्त्यः भारतस्य तिस्रः पण्यमहानौकाः होर्मुस् समुद्रधुनिम् अतिक्रान्ताः। भारतीयध्वजं वहन्त्यः देश वैभव्, देश् विभोर्, सन्मार् हेराल्ड् इत्येताः महानौकाः शनिवासरे भारतं प्रति चलन्ति।
द्वे महानौके २४ तमे दिनाङ्के गुजरातं, इतरा जूलाय् प्रथमदिनाङ्के ओडीशां च प्राप्स्यन्ति। केन्द्र नौकाशय-महानौकायातायातमन्त्री सर्वानन्द सोनोवालः वृत्तान्तमिमं निगदितवान्।