बङ्गलादेशे अद्य निर्वाचनम्। 

धाक्का> २०२४ तमे वर्षे बहुजनप्रक्षोभेण षेक् हसीनाप्रशासनस्य बहिर्नयनानन्तरं राष्ट्रस्य प्रथमं सामाजिकनिर्वाचनम् अद्य सम्पद्यते। संसदीयसदस्यान् निर्वाचयितुं १२. ९ कोटि मतदानिनः गुरुवासरे मतदानस्थानानि प्राप्स्यन्ति। ५०तः परं दलेभ्यः १९८१ स्थानाशिनः स्पर्धन्ते। 

  भूतपूर्वप्रशासनपक्षः 'बङ्गलादेश नाषणलिस्ट् पार्टी' [बी एन् पी], जमा अत्ते इस्लामीति धार्मिकदलेन नीयमानं सख्यं च मुख्यप्रतिद्वन्दिनौ। एन् सी पी इति युवकछात्राणां राजनैतिकदलम् अस्य सख्यस्य अंशः भवति। समीपकाले यशःशरीरा भूतपूर्वा प्रधानमन्त्रिणी खालिदा सिया इत्यस्याः पुत्रः तारिख रह्मानः अस्ति बी एन् पी दलस्य प्रधानमन्त्रिस्थानाशी।

 संसदि आयव्ययपत्रमधिकृत्य चर्चा आरब्धा। 

विकसितभारतं लक्ष्यीकुर्वत् आयव्ययपत्रमिति शासनपक्षः ; पराजयमिति विपक्षः। 

नवदिल्ली> वित्तमन्त्रिण्या निर्मला सीतारामेण प्रस्तुतस्य आयव्ययपत्रस्य उपरि लोकसभायां राज्यसभायां च चर्चा समारब्धा। २०४७ तमे वर्षे विकसितभारतमिति लक्ष्यं प्रति सुप्रधानपदक्षेपः भवति आयव्ययपत्रमिति संसदः उभयोरपि सभयोः शासनपक्षसदस्यैः प्रकीर्तितम्। 

 किन्तु श्रमिकानां कृषकाणां मध्यवर्गाणां वृत्तिरहितानां च कृते कोSपि समाश्वासः अनेन आयव्ययपत्रेण न लभ्यते इति विपक्षीयसदस्यैः विमृष्टम्।

 बङ्गलादेशाय आयातशुल्कः यू एसेन १९% इति न्यूनीकृतः। 

धाक्का> बङ्गलादेशात् यु एस् राष्ट्रं प्रति आयातानां वस्तूनां शुल्कः २०% इत्यस्मात् १९% इति यू एसेन न्यूनीकृतः। बङ्गलादेशे उत्पाद्यमानानां कतिपयवस्त्रविशेषाणां निर्यातः शुल्करहितो भविष्यति।

  वाणिज्यसन्धिः प्रवर्तनोन्मुखमागत इति बङ्गलादेशस्य अल्पकालीनसर्वकारस्य मुख्योपदेष्टा मुहम्मद यूनुसः न्यगादीत्। यू एस् तः गूधूमः भटमाषः, द्रवीकृतप्रकृतिवायुः इत्येते बङ्गलादेशेन क्रेष्यन्ते इति व्यवस्था अस्ति।

 टि-२० क्रिकट् विश्वचषकः ।

भारत-पाकिस्थानस्पर्धा भवेत्। 

लाहोरः> टि-२० विश्वचषके भारतेन सह न स्पर्धिष्यते इति पाकिस्थानस्य निर्णयः परिवर्तितः इति सूच्यते। २४ होराभ्यन्तरे अन्तिमनिर्णयः भविष्यतीति पाकिस्थानस्य क्रिकट् समित्याः अध्यक्षेण मोहसिन नख्विना निगदितम्। 

  अन्ताराष्ट्रिय क्रिकट् समितिप्रतिनिधयः , नख्वी इत्येतेषां परस्परचर्चा तथा श्रीलङ्का, यू ए ई राष्ट्रयोः क्रिकट् समित्योः व्यवहारश्च पुनर्निर्णये कारणं भवति।

 मणिपुरे संघर्षः प्रवर्धते।

इम्फालः> नूतनप्रशासनस्य नेतृत्वे शान्त्युद्बोधनप्रवर्तनानि प्रचलन्त्यपि मणिपुरराज्ये संघर्षः तीव्रं वर्तते। कतिपयकालविरामानन्तरं पुनरपि नाग-कुक्किविभागयोः संघर्षे कठिने जाते राज्यं अशान्तौ वर्तते। 

  सोमवासरे प्रत्युषसि उक्रूलजनपदे आयुधधारिणः केचन गृहाणि अग्निसादकुर्वन्। तदनन्तरं कुक्किसायुधसंघैः भुषुण्डिप्रयोगः कृतः। उक्रूलस्थे लिटाननामके ग्रामे नागयुवकं कुक्किविभागाः ताडितवन्तः इत्यस्मात् उद्भूतः वादप्रतिवाद एव रात्रौ परस्परसंघर्षे समाप्तः। मुख्यमन्त्री युमान खें चन्द इत्यस्य नेतृत्वे शान्तिप्रवर्तनानि आरब्धानि।

 वक्रयितुं भ्रामयितुं रूपान्तरं कर्तुं च सक्षमः नूतनः यन्त्रमानुषः वैज्ञानिकैः आविष्कृतः।

   यन्त्रमानुषमधिवृत्य वयं चिन्तयामः चेत् यन्त्रभागसदृशानि पाणिपाद युक्तरूपाण्येव सर्वेषां मनसि आयान्ति। टेस्ला इत्यादयः तादृशान् यन्त्रमनुष्यान् निर्मान्ति। किन्तु भाविनिकाले आगम्यमानाः यन्त्रमनुष्याः समानरूपेषु भविष्यन्ति इति चिन्ता न कार्या। इच्छानुसारं वक्रयितुं रूपान्तरणं कर्तुं च सक्षमाः यन्त्रमनुष्याः अपि भाविनि काले भविष्यन्ति इत्यत्र नास्ति संशयः। वैद्युतक्षेत्रद्वारा चलितुं शक्ताः स्निग्ध द्रवपदार्थरूपाः यन्त्रमानुषाः लण्डन् क्वीन् मेरी विश्वविद्यापीठस्थैः तथा ब्रिस्टोल् विश्वविद्यालयस्थैः वैज्ञानिकैः च आविष्कृताः।

 सन्तोष् ट्रोफी सर्वीससे लब्धा। 

सर्वीससः अष्टमं किरीटं; केरलस्य अनुस्यूततया द्वितीयपराजयः। 

अन्तिमस्पर्धायां पराजये निराशया क्रीडाङ्कणे वर्तमानाः केरलदलाङ्गाः। 

दिब्रुगढः> केरल-सर्वीससोः अन्तिमस्पर्धायां सन्तोष् ट्रोफी किरीटं सर्वीससा प्राप्तम्। अधिकसमयस्य अपरार्थे सर्वीससक्रीडकस्य अभिषेक पवारस्य लक्ष्यकन्दुकमेव विजेतृनिर्णयमभवत् [१ - ०]। 

  सर्वीससदलस्य अष्टमं सन्तोष् ट्रोफी किरीटं भवत्येतत्। केरलं तु अनुस्यूततया द्वितीयवारमेव अन्तिमस्पर्धायां पराजयेन प्रतिनिवर्तते।

 केरलम्।

शबरी रेल् मार्गाय भूमिस्वीकारविज्ञप्तिः अचिरेण भविष्यति। 

कोच्ची> दशाब्दद्वयाधिककालं यावत् स्थगिता तथा अनिश्चितत्वं प्राप्ता शबरी रेल् यानपद्धतिः पुनरुज्जीवयति। अङ्कमाली - एरुमेली रेल् मार्गाय भूमिसमार्जनविज्ञप्तिः सप्ताहाभ्यन्तरे भविष्यति। रेवन्यू विभागे एतदर्थं प्रक्रमाः पुरोगम्यन्ते। 

  ३८१० कोटि रूप्यकाणि व्ययं प्रतीक्षमाणायै परियोजनायै नूतनसमग्रपरियोजनावेदनानुसारेण [DPR] ३०३. ५८ हेक्टर मिता भूमिः अपेक्षिता वर्तते। पेरुम्बावूर्, मूवाट्टुपुष़ा, पाला इत्येतेषु स्थानेषु भूमिसमार्जनाय कार्यालयाः उद्घाटयिष्यन्ते। 

  केरले विधानसभानिर्वाचनं  द्वारसोपानं प्राप्नुवत् वर्तते इत्यतः निर्वाचनव्यवहारव्यवस्थायाः आगमनात्पूर्वं प्रक्रमान् पूर्तीकर्तुमुद्दिश्यते। अङ्गमालीतः कालटीपर्यन्तं रेल्निस्थानमभिव्याप्य मार्गनिर्माणं २२ वर्षेभ्यः पूर्वमेव पूर्तीकृतमस्ति।

 जूण् मासात् पूर्वं युद्धं समाप्तव्यम्। 

रष्या-युक्रेनराष्ट्रे प्रति ट्रम्पः। 

कीव्> वर्षचतुष्टयं यावत् अनुवर्तमानं रष्या-युक्रेनयुद्धं   उपजूण्मासे समापयितव्यमिति यू एस् राष्ट्रपतिः डोनाल्ड ट्रम्पः। युक्रेनस्य राष्ट्रपतिः वोलोदिमिर् सेलन्स्कि इत्यनेन शनिवासरे प्रस्तुतमेतत्। उभयोरपि राष्ट्रयोः प्रतिनिधयः आगामिसप्ताहे यू एस् मध्ये फ्लोरिडायां  चर्चां करिष्यन्तीति तेन प्रोक्तम्। प्रथमतया एव रष्या-युक्रेनचर्चायै यू एस् मध्ये वेदिका सज्जीक्रियते।

 टि-२० विश्वचषकः।

भारतस्य जैत्रयात्रा आरब्धा। 

यू एसं २९ धावनाङ्कैः अभ्यभावयत्। 

यू एसं विरुध्य सूर्यकुमार यादवस्य  कन्दुकताडनम्।

मुम्बई> टि-२० क्रिकट्  विश्वचषकस्य प्रथमेदिने भारतस्य क्रीडा विजयेन समारब्धा। प्रथमस्पर्धायां यू एस् दलं २९ धावनाङ्कैः अभ्यभावयत्। दलनायकः सूर्यकुमार यादवस्य उज्वलं प्रकटनं [४९ कन्दुकेषु ८४*] भारताय विजयं सम्मानितवत्। 

  उत्क्षेपनिर्णयं नष्टीभूय कन्दुकताडनाय निर्बन्धितः  भारतदलः अप्रतीक्षितः ताडनक्लेशम् अनुभूय एकैके प्रतिनिवृत्ते दलनायकः सूर्यकुमारयादवः  एव रक्षकोSभवत्। २० क्षेपणचक्रेषु नवताडकान् विनष्ट्य १६१ धावनाङ्काः भारतेन प्राप्ताः। प्रतिक्रीडायां २० क्षेपणचक्रेषु अष्ट ताडकान् विनश्य १३२ धावनाङ्कान् सम्पाद्य अमेरिकायाः क्रीडा समाप्ता। भारताय मुहम्मद सिराजः त्रीणि द्वारकाणि पातितवान्। अक्सर पटेलः, अर्ष दीपः इत्येतौ एकैकेन द्वे द्वे द्वारके पातितवन्तौ।

 ट्रम्पशुल्कन्यूनीकरणम् 

समुद्रोत्पन्ननिर्याते शुभसूचना। 

आलप्पुष़ा> भारतीयसमुद्रोत्पन्नानां शुल्के अमेरिकया न्यूनीकृते तस्य प्रथमदिनादारभ्य वाणिज्यमण्डले शुभसूचनाः दृश्यन्ते। उभयोरपि राष्ट्रयोः बृहत्परिमाणव्यापारिणां मध्ये चर्चाः समारब्धाः। जनुवरि १५ तमदिनाङ्कतः अमेरिकां प्रति समुद्रोत्पन्ननिर्यातः पूर्णतया स्थगितः आसीत्। 

  मत्स्यानां निर्यातः एव भारतस्य सामुद्रिकायस्य मुख्यस्रोतः। विशिष्य पाठीनस्य कुलीरस्य च निर्यातः। २०२३- २४ आर्थिकवर्षे ६०,५२३ कोटि रूप्यकाणि समुद्रोत्मन्ननिर्यातेन लभन्ते स्म। तस्य ६६% पाठीरनिर्यातेन आसीत्।  ३७% समुद्रोत्पन्नानि अमेरिका एव क्रीणाति। यदा करः ५०% जातः तदा अमेरिकीयव्यापारिणः भारतात् मत्स्यक्रीणनं तिरस्कृतवन्तः। अनेन भारतस्य आयः बृहद्रूपेण आकुञ्चितः इति Sea food exporter's association इत्यस्य मुख्याधिकारिणा डो के एन् राघवेण प्रोक्तम्। इदानीं शुल्के न्यूनीकृते एक्वडोर्, वियट्नामः, इन्डोनेषिया इत्यादिराष्ट्रैः सह स्पर्धितुमवसरः जातः।

•  मेघालये कृष्णाङ्गारखन्यां स्फोटनं - १८ कर्मकराः मृताः। 

षिल्लोङ्> मेघालयराज्ये पूर्वजयन्तिया हिल्स् जनपदस्थे अनङ्गीकृतायां कृष्णाङ्गारखन्यां  दुरापन्ने स्फोटने १८ कर्मकराः मृताः। बहवः तत्र लग्नाः वर्तन्ते। 

  स्फोटनसमये कति जनाः खन्यामासन् यथातथसंख्या न लब्धा। उपचत्वारिंशत् जनाः तत्रासन् इति सूच्यते।

 ऊननवदशक्रिकट् 

विश्वकिरीटं भारतस्य। 

विश्वचषकं प्राप्तवतः भारतदलस्य आह्लादः। 

हरारे> सिम्बाब्वे राष्ट्रे सम्पन्ने ऊननवदशवयस्कानां विश्वचषकक्रिकट् क्रीडायाः अन्तिमप्रतिद्वन्द्वे इङ्गलान्टं शतं धावनाङ्कैः पराजित्य भारतं विश्वकिरीटं सम्प्राप। प्रारम्भकक्रीडकस्य वैभव सूर्यवंशिनः उज्वलशतकस्य [१७५] प्रबलत्वेन आसीत् भारतस्य विजयः। अन्तिमक्रीडायां परम्परायां च श्रेष्ठक्रीडकः वैभवः भवति। 

  प्राप्ताङ्कसूचिका - भारतं ५० क्षेपणचक्रेषु ४११/९। इङ्गलान्टः ४०. २ क्षेपणचक्रेषु ३११ धावनाङ्कैः सर्वे बहिर्नीताः।  भारतस्य षष्ठं किरीटं भवत्येतत्। 

  वैभव सूर्यवंशी ८० कन्दुकेषु १७५ धावनाङ्कान् उपलब्धवान्। १५ चतुष्कानि, १५ षट्कानि च वैभवस्य लगुडात् प्रसूतानि। नायकः आयुष् मात्रे (५३), वेदान्त त्रिवेदी (३२), विहान् मल्होत्रा (३०), अभिग्यान् कुण्डु (४०), कनिष्क चौहानः (३७*) इत्येते च भारताय उज्वलेन क्रीडितवन्तः। प्रतिक्रीडायाम् इङ्गलान्टस्य कालिब फाल्कनरस्य शतकं [११५/६७) विजयाय  निष्फलं जातम्।

 यातायातमार्गसुरक्षा, शिरासु संवेदना - कोटद्वारपरिवहनविभागेन आधारशिला-समूहेन च सेवाया: नवकार्यं समायोजितम्।

-कुलदीपमैन्दोला

    कोटद्वारम्> यातायातमार्ग-सुरक्षा-जीवन-रक्षा-मासस्य अवसरं दृष्ट्वा कोटद्वार-परिवहनविभागस्य तत्त्वावधानेन आधारशिला-रक्तदान-समूह-कोटद्वारेण तथा प्रकाश-नेत्र-परीक्षण-केन्द्रेण संयुक्तरूपेण रक्तदान-शिविरं निःशुल्क-नेत्र-परीक्षण-शिविरं च आयोजितम्।

   अद्यतनं दिनं केवलं पञ्चाङ्कस्य एकां तिथिं न, अपि तु कोटद्वार-नगरे ‘संवेदनाया उत्सवः’ इव अभवत्। यत्र सामान्यतः परिवहन-विभागस्य कार्यालयात् दण्डादेश-ध्वनिः श्रूयते, तत्र अद्य “रक्तदानं महादानम्” इति संकल्पनिनादेन दिनं सेवामयं जातम्। यातायातमार्ग-सुरक्षा-सप्ताहस्य अन्तर्गतं नियमपालनस्य उपदेशः प्रदीयते; तदेव अद्य सेवाया महापर्वरूपेण रक्तदान-शिविरस्य आयोजनं सिद्धयति—प्रशासनस्य हस्ते केवलं अधिकाराः न सन्ति, अपि तु करुणया कम्पमानं हृदयम् अपि अस्ति।

 सन्तोष् ट्रोफी

केरल-सर्वीससयोः अन्त्यस्पर्धा। 

दिब्रुगढः> सन्तोष् ट्रोफी पादकन्दुकक्रीडायाः पूर्वान्त्यचक्रस्य एकस्मिन् प्रतिद्वन्द्वे केरलं पञ्चाबम् एकपक्षीयैः चतुर्भिः लक्ष्यकन्दुकैः अभ्यभावयत्।  अन्यस्मिन् प्रतिद्वन्द्वे सर्वीससः रेल्वेसदलं प्रत्युत्युत्तरहितेन लक्ष्यकन्दुकद्वयेन पराजापयत। अन्तिमप्रतिद्वन्द्वः रविवासरे सम्पत्स्यते।

 गासायां पुनरपि भुषुण्डिप्रयोगः - २१ जनाः हताः। 

डेयर् अल् बला>  युद्धविरामः वर्तमाने गासाप्रान्ते शान्तिसन्ध्युल्लुङ्घनं कृत्वा इस्रयेलस्य आक्रमणम्। बुधवासरे इस्रयेलसेनया कृते भुषुण्डिप्रयोगे २१ जनाः हताः। हतेषु पञ्च बालकाः सप्त महिलाश्च अन्तर्भवन्ति। 

  उत्तरगासायां टुफा, दक्षिणगासायां खान् यूनिस् इत्येते स्थानद्वये आसीदाक्रमणम्। स्वसैनिकान् विरुध्य 'तीव्रवादिनः' भुषुण्डिप्रयोगं कृतवन्तः इत्येव सैनिकाक्रमणस्य हेतुरिति इस्रयेलस्य न्यायवचः। सेनाक्रमणं हमासेन मध्यस्थैश्च अपलपितम्।

 ऊन१९ क्रिकट् विश्वचषकः 

भारतम् अन्त्यचक्रे। 

प्राप्तशतकः आरोण जोर्जः। 

हरारे> महत्प्राप्ताङ्कान् सम्पादितवन्तम् अफ्गानिस्थानदलं सप्तद्वारकैः अभिभाव्य भारतस्य कौमारसंघः ऊननवदशवयस्कानां विश्वचषकक्रिकट् क्रीडायाः अन्तिमचक्रं प्राविशत्। पूर्वान्त्यक्रीडायां प्रथमं कन्दुकताडनं कृतवान् अफ्गानिस्थानसंघः ५० क्षेपणचक्रेषु चतुर्णां ताडकानां विनष्टे ३१० धावनाङ्कान् सम्पादयामास। भारतं तु प्रत्युत्तरे ४१. १ क्षेपणचक्रेषु त्रीन् ताडकान् विनश्य ३११ धावनाङ्कान् सम्पाद्य अनायासविजयं समुपालभत। शुक्रवासरे सम्पत्स्यमानायाम्  अन्त्यस्पर्धायां प्रतिद्वन्द्वी इङ्गलाण्टः अस्ति। 

  भारतस्य प्रारम्भकः केरलीयः आरोण् जोर्जः १०४ कन्दुकेभ्यः ११५ धावनाङ्कान् सम्पादितवान्। वैभव सूर्यवंशी ३३ कन्दुकेभ्यः ६८  धावनाङ्कान् सम्पादितवान्। नायकः आयुष् मात्रे ६२ धावनाङ्कान् सम्पादितवान्। विहान मल्होत्रा ३८ धावनाङ्कान् सम्पाद्य अबाह्यः जातः।

 राष्ट्रपतिशासनं प्रत्याहृतम्।

मणिपुरे खें चन्दः मुख्यमन्त्री अभवत्। 

शपथवेलायां मुणिपुरस्य मुख्यमन्त्री खेम चन्दः (दक्षिणे) राज्यपालः अजय भल्लश्च। 

इम्फालं> एकसंवत्सरं यावत् राष्टपतिप्रशासनात् परं मणिपुरराज्ये  युं नां खें चन्द सिंहस्य [वै खें चन्दः - ६२] नेतृत्वे भाजपा मन्त्रिमण्डलं शपथवाचनं कृत्वा अधिकारं स्वीचकार। इम्फाल लोकभवने राज्यपालः अजय कुमारभल्लः शपथवाचनम् अकारयत्। मणिपुरे शान्तिम् ऐक्यं च प्रबलीकर्तुं यतिष्यते इति खेम चन्दः प्रस्तुतवान्। 

  कुक्कीविभागस्य नेत्री भूतपूर्वा मन्त्रिणी नेम्चा किप जेना तथा नागा पीपिल्स् फ्रन्ट् दलस्य नेता एल् दिखो च उपमुख्यमन्त्रिरूपेण कार्यभारं स्वीकृतवन्तौ। इतरौ द्वौ भाजपानेतारौ च मन्त्रिणौ स्तः।

 सन्तोष् ट्रोफी

केरलं, पञ्चाब्, सर्वीसस्, रल्वेस् इत्येते पूर्वान्त्यचक्रे। 

दिब्रुगड्> सन्तोष् ट्रोफी राष्ट्रियपादकन्दुकस्पर्धायाः प्रपूर्वान्त्यचक्रे आतिथेयराज्यस्य असमस्य संघः केरलदलेन पराजितः - [३-०]। गुरुवासरे सम्पद्यमाने पूर्वान्त्यद्वन्द्वे पञ्चाबेन सह स्पर्धिष्यते। तमिलनाटदलम् अभिभाव्य अस्ति पञ्चाबस्य प्रवेशः। 

  वर्तमानीनवीरः पश्चिमवंगः प्रपूर्वान्त्यचक्रे सर्वीससेन पातितः। त्वरितलक्ष्यवेधने आसीत् सर्वीससस्य विजयः। पूर्वान्त्यचक्रे रेल्वेसं प्रति स्पर्धिष्यते। राजस्थानं पातयित्वा अस्ति रेल्वेसस्य पूर्वान्त्यप्रवेशः।

 मणिप्पुरे नूतनसर्वकारः उपायाति। 

इम्फालः> मणिप्पुरराज्ये राष्ट्रपतिप्रशासनं समापयित्वा नूतनसर्वकाररूपीकरणाय भाजपादलेन प्रक्रमः आरब्धः। दिल्ल्यां केन्द्रनेतृत्वेन सह सम्पन्ने उपवेशने विधानसभानेतृरूपेण वै खेमचन्द सिंहः चितः। अचिरेण मुख्यमन्त्रिपदं स्वीकरिष्यतीति सूच्यते। 

  कुक्किविभागस्य महिलानेत्री तथा भूतपूर्वा मन्त्री नेम् चा किप्चेन् नामिका उपमुख्यमन्त्रिपदं वक्ष्यति। नियमानुसारं राष्ट्रपतिप्रशासनं फेब्रुवरी १२ तमे दिनाङ्के समाप्यते।

 संगीतनिदेशकः एस् पि वेङ्किटेशः यशश्शरीरः अभवत्। 

चेन्नै> दक्षिणभारतस्य चलच्चित्रमण्डले विख्यातः संगीतनिदेशकः एस् पि वेङ्किटेशः [७०] दिवंगतः।  मङ्गलवासरे प्रभाते दशवादने चेन्नैय्यां पोरूरस्थे स्वभवने हृदयाघातेन आसीत् तस्य अप्रतीक्षितमन्त्यम्। 

 चतुर्भिः दशकैः भारतीयचलच्चित्रमण्डले संगीतसंविधाकेषु अग्रकोटिषु विराजमानेषु अन्यतमः एस् पि वेङ्किटेशः १६० अधिकेषु चलच्चित्रेषु ६००परं गानेभ्यः संगीतमदात्। एषु भूरिशः कैरलीगानानि आसन्। एतानि विना तमिल्, कन्नड़, तेलुगु, हिन्दी, बङ्गाली चलच्चित्रेष्वपि सः गानानि आविष्कृतवान्। तस्य अन्त्येष्टिकर्माणि बुधवासरे मध्याह्ने पोरूरे श्मशाने विधास्यन्ते।

 यू एस् राष्ट्रेण सह वाणिज्यः। भारतस्य वाणिज्यकरः १८ इति न्यूनीकृतः ।

भारत- यू एस् राष्ट्रयोः वाणिज्यकरः प्रतिशतं २५ तः १८ इति न्यूनीकृतः। प्रधान मन्त्रिणा मोदिना सह दूरभाषणं कृत्वानन्तरमासीत् ट्रम्पस्य ख्यापनम् । चीनः ३० ब्रसील् ५० आफ्रिका ३० म्यान्मर् ४० लावोस् ४० एवं प्रकरेण भवति इतरेषां करः ।

माघमहामेला सम्पन्ना

 निला अतिनिर्माला जाता ।

तिरुनावाय> केरले महामाघमेला निलानद्याः तीरे सम्पन्ना जाता। २५ लक्षं जनाः पुण्यतीर्थस्नानाय निलातीरं प्राप्तवन्तः। १९ दिनानि यावत् अनवरतं जनाः तत्र आगताः। तथापि मालिन्यं विना पूर्वाधिकं शुद्धतया प्रवहति निलानदी इति अत्भुतं जनयति। जनबाहुल्यान् नियन्त्रितुं मालिन्यं विना नदीमातरं पालयितुं च सेवाभारत्याः कर्मकुशलाः युवभगीरथाः तत्र निवसन्तः आसीत्। अतः सर्वकारस्य साहाय्यं विनापि नद्यः शुद्धतां पालयितुं शक्ताः अभवन् सेवाभारत्याः प्रवर्तकाः। अस्ति - आगामि संवत्सरेषु अपि  नूनं प्रवहिष्यति निला निर्मलेन मातृभावेन । सेवननिरताः तस्याः पुत्राः तां पालयिष्यन्ति।

 रामनगरमहाविद्यालये भारतबौद्धिक-राट्रियपरीक्षायां विद्यार्थिनां उत्साहपूर्णसहभागिताभवत् ।

विद्याभारतीद्वारा समायोजिता परीक्षा।

 

 -कुलदीपमैन्दोला।

 रामनगरम्पी> .एन.जी. राजकीयस्नातकोत्तरमहाविद्यालये स्नातक-स्नातकोत्तरस्तरस्य छात्र-छात्राणां कृते विद्या-भारती-उच्चशिक्षासंस्थान- उत्तराखण्डेन आयोजितायां भारतबौद्धिक-राष्ट्रीयपरीक्षायां (2025–26) छात्रैः छात्राभिश्च अत्यन्तोत्साहेन सहभागिता कृताऽभवत्।

परीक्षाप्रभारिणा डॉ. शरदभट्टेन प्रोक्तम् यत् अस्यां परीक्षायां समग्रतया 213 विद्यार्थिनः पञ्जीकृताः आसन्, येषु 124 छात्राः छात्राश्च 31 जनवरीदिनाङ्के रामनगरमहाविद्यालयस्थिते परीक्षा-केन्द्रे समये उपस्थिताः अभवन्। परीक्षा-समयः प्रातः 10 वादनेभ्यः मध्याह्न 12 वादनपर्यन्तं आसीत्।

 भारतं विरुद्ध्य अमेरिकायाः  शुल्कः न्यूनीकृतः। 

ट्रम्पः मोदी च। 

वाषिङ्टणः> भारतेन सह व्यापारसन्धिः आविष्कृत इति डोनाल्ड ट्रम्पस्य अभिमानवचः। प्रधानमन्त्रिणा नरेन्द्रमोदिना सह दूरवाणीद्वारा संभाष्य सोमवासरे ट्रूत् सोष्यल्' द्वारा आसीत् ट्रम्पस्य सन्ध्युद्घोषणा। अस्य व्यवस्थानुसारं भारतं विरुध्य शुल्कः २५ प्रतिशतात् १८% इति न्यूनीकृतः इति ट्रम्पः प्रोक्तवान्। प्रत्युत, शुल्कन्यूनीकरणस्य कृते भारतस्य प्रधानमन्त्री नरेन्द्रमोदी कृतज्ञतां व्याहृतवान् तथापि व्यापारसन्धिविषये स्पष्टीकरणं न कृतवान्।

 टि-२० विश्वचषकः।

भारतेन सह स्पर्धाः बहिष्करिष्यतीति पाकिस्थानम्।

प्रत्याघातः भविष्यतीति पाकिस्थानं प्रति ऐ सि सी संस्थायाः पूर्वसूचना। 

दुबाय्> टि-२० क्रिकट् विश्वचषकपरम्परायाः स्वयं स्पर्धानभिमतं प्रदर्शितेन बङ्ग्लादेशेन सह पाकिस्थानः अपि ऐक्यदार्ढ्यं  प्राकाशयत्। ततः भारतेन सह क्रीडां न करिष्यामः इति च उदघोषयत्। पाकिस्थानस्य प्रक्रमं विमर्श्य ऐ सि सी [International Cricket Council] संस्थायाः व्यवहारः समागतः। बहिष्करिष्यति चेत् तीव्रः प्रत्याघातः भविष्यतीति पाकिस्थानं प्रति ऐ सि सि संस्थया निर्दिष्टम्। स्वयं एकः क्रीडापरम्परायाः एकांशं परित्यजति चेत्, कठिनं दण्डनं तस्योपरि निक्षिप्यते नूनम्  इति  ऐ सि सि अधिकारिभिः प्रस्तुतम्।

  टि-२० विश्वचषकस्पर्धाः  शनिवासरे आरप्स्यन्ते। भारते श्रीलङ्कायां च वेदिकाः निर्णीताः।

 सन्तोष् ट्रोफी। 

प्रपूर्वान्त्यचरणस्य अद्य प्रारम्भः। 

स्पर्धायै सज्जः केरलसंघः। 

दिब्रुगढः> असमराज्ये दिब्रुगढे संचाल्यमानायाः सन्तोष् ट्रोफी पादकन्दुकस्पर्धायाः चतुर्थांशचरणं मङ्गलवासरे सम्पद्यते। 

  आतिथेयदलम् असमं प्रति केरलं स्पर्धिष्यते। इतरेषु प्रतिद्वन्द्वेषु तमिलनाट-पञ्चाबयोः, पश्चिमवंग-सर्वीससयोः, रेल् वेस-राजस्थानयोः च क्रीडाः  अपि भविष्यन्ति।

 सप्त मण्डलेषु प्राधान्यं कुर्वत् आयव्ययपत्रं प्रस्तुतम्

आयव्ययपत्रप्रस्तुतिवेलायां निर्मला सीतारामः। 

। 

नवदिल्ली> सप्तसु तन्त्रप्रधानेषु अग्रकोटिस्थेषु मण्डलेषु प्राधान्यं कुर्वत् आयव्ययपत्रं केन्द्रवित्तमन्त्रिणा निर्मला सीतारामेण गतदिने लोकसभायां प्रस्तुतम्। तृतीय मोदिप्रशासनस्य तृतीयम् आयव्ययपत्रं 'युवशक्ति' पत्रमिति वित्तमन्त्रिणा विशिष्टम्। 

1. बयोफार्मा नामक जैवौषधमण्डलस्य विकासाय दशसहस्रं कोटि रूप्यकाणि अनुमोदितानि।

2. अर्धचालक 'चिप्' [semiconductor] निर्माणस्य प्राधान्यमस्ति। अनेन भारतीय इन्टेर्नेट् प्रोटोकोल् [Indian Internet protocol] इत्यस्य विकासः लक्ष्यीक्रियते। 

3. इलक्ट्रोणिक्स् उपकरणानाम् अंशानां निर्माणाय अस्मिन् आयव्ययपत्रे ४० ००० कोटि रूप्यकाणि अनुमोदितानि। गतवर्षे त एतत् २३,००० कोटि रूप्यकाणि आसन्। 

4. अपूर्वखनिजानि अन्तर्भूतानां राज्यानां - ओडीशा,केरलं, आन्ध्रप्रदेश, तमिलनाट्- धातुखननाय प्राधान्यमर्हति। 

5. औषधानाम् आयातं न्यूनीकर्तुमुद्दिश्य औषधनिर्माणाय तिस्रः औषधनिर्माणसंस्थाः [Chemical park] आरब्धुं निश्चितमस्ति।

6. कण्टैनर् [container] निर्माणकेन्द्राय दशसहस्रं कोटि रूप्यकाणि अनुमोदितानि। अस्मिन् क्षेत्रे भौगोलिकशक्तिमत् राष्ट्रमिति लक्ष्यम्।

7. Mega Textile park नामिकाः संस्थाः, निर्यातकेन्द्राणि च निर्मातव्यानि।

 अन्तिमं टि २० क्रिकट् 

भारतस्यविजयः ; परम्पराप्राप्तिः ४ - १। 

अनन्तपुरी> केरले अनन्तपुर्यां 'ग्रीन् फील्ट्' क्रीणाङ्कणे सम्पन्ने पञ्चमे अन्तिमे च प्रतिद्वन्द्वे भारतं न्यूसिलान्टं ४६ धावनाङ्कैः पराजयत। अनेन न्यूसिलान्टेन सह भारतस्य टि २० क्रिकट्क्रीडापरम्परा ४-१ इति रूपेण भारतेन सम्प्राप्य समाप्ता। 

  प्रथमं कन्दुकताडनं कृतेन भारतदलेन पञ्च द्वारकान् विनश्य २७१ धावनाङ्काः सम्पादिताः। प्रत्युत्तरक्रीडायां न्यूसिलान्टस्य कन्दुकताडनं १९. ४ क्षेपणचक्रैः २२५ धावनाङ्कान् सम्पाद्य समाप्तिं प्राप। 

  ४३ कन्दुकेषु १०३ धावनाङ्कान् सम्पादितवान्  इषान् किषः श्रेष्ठक्रीडकोSभवत्। सूर्यकुमार यादवः परम्परायाः श्रेष्ठक्रीडकः जातः। सः अस्यां क्रीडायां ३० कन्दुकैः ६३ धावनाङ्कान् सम्पादितवान्।

 गासायाम् इस्रयेलस्य गणहत्या - ३२ मरणानि। 

डेयर् अल् बला> गासायां शनिवासरे इस्रयेनेन कृतायां मानवहत्यायां ३२ जनाः हताः। हमासेन युद्धविरामः उल्लङ्घितः इत्यारोप्य आसीदाक्रमणम्। 

  गासाकोट्यां सुस्थिरशान्त्यर्थं यू एस् राष्ट्रपतिना डोनाल्ड ट्रम्पेन शान्तिसमितिः [Board of Peace] रूपीकृता, युद्धविरामस्य द्वितीयचरणं शीघ्रं प्रबलीभविष्यतीति सूचनायां सत्यामासीत् इस्रयेलस्य व्येमाक्रमणम्।

 आर्तवकालस्वास्थ्यं मौलिकाधिकारः - सर्वोच्चन्यायालयः।

 

नवदिल्ली> महिलानां आर्तवकालस्वास्थ्यं संविधानानुशानानुसारं जीवनाधिकारस्य अंशः मौलिकाधिकारः इति सर्वोच्चन्यायालयेन आदिष्टम्। 

  सर्वेषु विद्यालयेषु छात्राभ्यः निश्शुल्केन स्वास्थ्यसंरक्षकाणि मृदूपधानानि [Sanitary pads] दातव्यानि, पुरुषमहिलाछात्रेभ्यः पृथक् पृथक् शौचालयाः भवितव्याः इति च सर्वोच्चन्यायालयेन निर्दिष्टम्। न्यायाधिपौ जे बी पर्दीवाला, आर् महादेवः इत्येतयोः नीतिपीठस्यास्ति प्रधाननिरीक्षणोपेतः अयं विधिः। 

  राष्ट्रियस्तरे विद्यालयीयछात्राभ्यः आर्तवकालशुचित्वमार्गं विधातुं अपेक्षिते सामान्यहितयाचिकायाम् आसीत् सर्वोच्चन्यायालयस्य सुप्रधानविधिः।

 सन्तोष् ट्रोफी पादकन्दुकं

केरल-वंग-तमिल् नाटदलाः प्रपूर्वान्त्यं प्रविष्टाः। 

दिब्रुगढः [असमः]> भारतस्य राष्ट्रियपादकन्दुकक्रीडा सन्तोष् ट्रोफी नामकपुरस्काभिधाना असमराज्ये पुरोगम्यते। संघद्वयेन १२ दलाः परस्परं स्पर्धन्ते। केरलं, पश्चिमवंगः,  तमिलनाट्, असमदलाः प्रपूर्वान्त्यस्तरे स्थानं दृढीकृतवन्तः। 

  बी संघे प्रथमस्थानमवाप्तं केरलं ए संघे चतुर्थस्थानं प्राप्तेन आतिथेयेन असमेन सह स्पर्धिष्यते। ए संघे विद्यमानौ उत्तरखण्ड-नागालान्टदलौ क्रीडापरम्परायाः बहिर्नीतौ।