विख्याता गायिका एस् जानकी दिवंगता।
मैसुरु> शब्दमाधुर्येण संगीतास्वादकलोकं विस्मापितवती सुविख्याता चलच्चित्रगायिका एस् जानकी दिवंगता। ८८ वयस्का आसीत्। शनिवासरे सायं मैसूरु नगरस्थे अप्पोलो आतुरालये आसीदन्त्यम्।
शास्त्रीयसंगीतम् अनभ्यस्ता एस् जानकी विंशत्यधिकासु भाषासु उपार्धलक्षं गानानि आललाप। चतुर्वारं राष्ट्रियपुरस्कारं, १४ सन्दर्भेषु केरलस्य पुरस्कारं, सप्तवारं तमिलनाटस्य पुरस्कारं च गानालपने लब्धवती।