अद्य गुरुपूर्णिमा।
आभारतं विभिन्नाः कार्यक्रमाः।
कोच्ची> अद्य आभारतं व्यासपूर्णिमादिनत्वेन अर्थात् गुरुपूर्णिमा दिनत्वेन आघुष्यते। आषाढमासस्य शुक्लपौर्णमीदिनं विश्वगुरोः वेदव्यासाचार्यस्य जन्मदिनत्वेन आमन्यते।
विद्यालयेषु इतरसंस्थासु च गुरुवन्दनादिभिः कार्यक्रमैः गुरुपूर्णिमा आघुष्यते। केवलं ज्ञानप्रकाशनं विना जीवनविजये गुरूणां मार्गदर्शनं प्रोत्साहनं च प्राधान्यमर्हति। तादृशचिन्ता अपि कार्यक्रमेषु अन्तर्भवन्ति।