पुरी जगन्नाथमन्दिरस्य रथोत्सवे महान् जनसम्मर्दः
एकः मृतः, शतं क्षताः। 
पुरी रथयात्रायाः दृश्यानि।
पुरी> ओडीषायां पुरी जगन्नाथमन्दिरे रथोत्सवमध्ये जाते महति जनसम्मर्दे एकः मृतः। शताधिके जनाः क्षताः जाताः। गुरुवासरे आसीदियं दुर्घटना।
मन्दिरस्य विख्यातं रथावहनं द्रष्टुं लक्षशः भक्ताः गतदिने 'ग्रान्ड् रोड्' वीथीं सम्प्राप्तवन्तः। तत्र जातेन परस्परसंघर्षणेन आसीदयं दुरन्तः।
जगन्नाथरथोत्सवे प्रतिवर्षं लक्षशः तीर्थाटकाः राज्यात् अन्तः बहिश्च प्राप्नुवन्ति। गतवर्षे च रथाकर्षणवेलायां दुरापन्ने अभिसम्पाते त्रयः मृताः, पञ्चाशदधिके जनाः क्षताश्च।