गासायाम् इस्रयेलस्य आक्रमणम्।
बालकानभिव्याप्य ११ जनाः हताः।
गासानगरं> गासाप्रदेशस्य विविधस्थानेषु वाससमुच्चयं प्रति इस्रयेलेन कृते व्योमाक्रमणे ११ जनाः हताः। एकस्मिन् परिवारे त्रीणि अपत्यानि अभिव्याप्य पञ्च जनाः मृताः। आक्रमणसमये बहिः स्थितः एकः बाल एव तस्मिन् परिवारे अवशिष्यते।
गासा नगरे अन्यत्र कृते आक्रमणे त्रयः मृताः। विविधस्थानेषु अभयार्थिशिबिराणि, वाससमुच्चयं प्रति च आक्रमणं विधत्तम्। हमाससैनिकान् विरुध्य आसन् आक्रमणानीति इस्रयेलस्य विशदीकरणम्।
२०२५ ओक्टोबरमासे गासायां युद्धविरामः प्रबलो जातः अपि युद्धविरामलङ्घनम् आरोप्य मुहुर्मुहुः इस्रयेलः आक्रमणं विधास्यति। एतादृशाक्रमणेषु अद्यावधि ११४४ जनाः मृत्युमुपगताः। इस्रयेलस्य पञ्च सैनिकाः अपि विनष्टप्राणाः अभवन्।