प्रवेशपरीक्षासंविधानं समग्रेण पुनःसंघटिष्यते - प्रधानमन्त्री।
नन्दन् निलेकनी नेतृत्वमावक्ष्यति।
नवदिल्ली> गतदिने प्रधानमन्त्रिणा नरेन्द्रमोदिना दृश्यचलनसन्देशेन प्रस्तुतं यत् राष्ट्रस्य सर्वाः स्पर्धापरीक्षाव्यवस्थाः समग्रतया पुनःसंघटिष्यन्ते। 'सर्वाः प्रवेशनपरीक्षाः पूर्णतया विश्वासोपेताः, साङ्केतिकविद्याधिष्ठिताः, सुतार्याः च कर्तुं निर्णयः कृतः। तदर्थं साङ्केतिकविद्याविशारदः आधारसंविधानस्य मुख्यशिल्पी नन्दन् निलेकनी इत्यस्य नेतृत्वे कर्मसमितिः रूपीकृता' - मोदिवर्यः इन्स्टग्राममाध्यमेन प्रोक्तवान्।
इस्रो संस्थायाः पूर्वीयाध्यक्षः एस् सोमनाथः। ऐ बी संस्थायाः पूर्वाध्यक्षः तपन देखा, ऐ ऐ टि चेन्नई इत्यस्य निदेशकः वी रामकोटिः, पूर्वीया शिक्षासचिवा अनिता कर्वालः, 'लजिस्टिक्' कुशलः अमृत लाल मीणा इत्येते परिष्करणसमित्यां सदस्याः भवन्ति।